مستشفى كفر سعد بدمياط: «لو معاك واسطة تتعالج»

بسم الله الرحمن الرحيم

نظرا للعديد من الظروض ترافق معها الأجواء المحيطة بالعمل الإعلامي في مصر و كذلك مع استمرار حجب محتوي المؤسسة عن الوصول للجمهور قررت إدارة مؤسسة البديل تعليق و تجميد موقع البديل و منصاته الإعلامية وإيقاف بث كافة أنواع المحتوي المرئي و المكتوب لحين إشعار آخر ونعتذر لجمهورنا ومتابعينا عن عدم قدرتنا علي الاستمرار في الوضع الحالي علي أمل العودة يوما ما إن شاء الله تعالي البديل ٢٢ إبريل ٢٠١٨

بسم الله الرحمن الرحيم

نظرا للعديد من الظروض ترافق معها الأجواء المحيطة بالعمل الإعلامي في مصر و كذلك مع استمرار حجب محتوي المؤسسة عن الوصول للجمهور قررت إدارة مؤسسة البديل تعليق و تجميد موقع البديل و منصاته الإعلامية وإيقاف بث كافة أنواع المحتوي المرئي و المكتوب لحين إشعار آخر

ونعتذر لجمهورنا ومتابعينا عن عدم قدرتنا علي الاستمرار في الوضع الحالي علي أمل العودة يوما ما إن شاء الله تعالي

البديل ٢٢ إبريل ٢٠١٨

يتواصل مسلسل الإهمال والفساد فى مستشفيات دمياط العامه ،مستشفى كفر سعد المركزى ،إحدى اكبر المستشفيات المركزية بدمياط والتى يفترض أن تخدم عشرات الآلاف من أبناء قرى مركز كفر سعد مترامى الأطراف ،ولكن الواقع مرير ،إهمال وتراكم للقمامة ومياه دائما مقطوعة ،وغياب مستمر للأطباء بالرغم مجازاة المحافظ لعدد من الأطباء بسبب تأخرهم أو تغيبهم عن العمل .

خالد .ع، من أبناء مدينة كفر سعد، يقول “ذهبت بنجلى للمستشفى المركزى بكفر سعد لحل بعض غرز الجراحه له، ودخلت الاستقبال فحولونى إلى الطبيب الجراح، وذهبت اليه أطلب حل الغرز فقال لى “تعالى بكره لأن الميه قاطعه فى المستشفى والأدوات الطبية مش متعقمه، قولت له حضرتك دول غرزتين محتاجين يتفكوا علشان الولد يكمل علاجه، لكن أصر الطبيب على عدم فك الغرز ورجعت تانى للاستقبال، وهناك صدقوا على كلام الطبيب الجراح إن الميه قاطعه وتعالى بكره أحسن، يعنى لو حضر للمستشفى حالة طوارئ او حادث وفيه حالات حرجة محتاجه تدخل جراحى هيقولوا لهم تعالوا بكره لأن الميه قاطعه؟ فعلا شئ مستفز ،وهنا قامت إحدى الممرضات وقالت أنا هفك له الغرز ولكن المفاجئة إن كل الموجود هددها إنها لو فكت الغرز هيكتبوا فيها مذكرة للمدير ،ويستمر الإستفزاز وأنا أصريت وقولت مش همشى إلا لما تفكوا الغرز وبعد مناهده ومشادات فعلا فكوا الغرز للولد ومشينا ،والسؤال المهم هنا هما بيتحججوا إن الميه قاطعه ،وأنا بسأل مستشفى زى دى لها ميزانية تتجاوز 8ملايين جنيه فى السنه بدل ما تتصرف على التكييفات وغيرة ليه ميكنش فيه عدد كبير من خزانات الميه للطوارئ ؟إزاى مستشفى كبير زى ده يقول للمريض تعالى بكره أصلى الميه قاطعه يعنى الناس تموت علشان الميه قاطعه هو يعنى الغلبان فى البلد دى يموت علشان ممعهوش فلوس يروح مستشفيات خاصة ؟وفى نهاية حديثه يؤكد لو معاك واسطه لو لك ممرضه قريبتك أوجارتك أوطبيب معرفة أو قريب يبقى يا سعدك وهيتعمل معاك أحلى شغل لكن رايح كدا مع نفسك ربنا يتولاك برحمته .

عادل محمد يقول أيضا المشكله كمان مش فى قطع الميه المتكرر عن المستشفى مع إن مفروض إن دى مؤسسات هامه ومفروض يكون لها خطوط خاصة تعمل بشكل قوى ولا يفترض أن تعامل كباقى المنازل أو المؤسسات ،ولكن للأسف لأنها مستشفى الغلابه هو ده حالها ،كمان الأطباء مش بييجوا قبل الساعه 10او11 قبل الظهر وساعه واحدة ومتلاقيش حد فيهم والناس بتبقى هتموت من الزحام ومن الألم ومفيش فايده ،سمعنا إن المحافظ حول ناس للتحقيق ووقع جزاءات علشان الأطباء اللى بيتأخروا عن الشغل وبرده مفيش فايده ،أى حد يروح للمستشفى كدا الساعه 12 مش هيلاقى دكتور واحد فيها حتى النابطشى منعرفش بيروح فين.

ويضيف أنه بخلاف أكوام القمامة اللى موجوده فى كل مكان فى الطرقات وبجوار سراير المرضى وفى كل مكان سرنجات وعبوات فارغة وكل ما يخطر على البال موجود وفين وفين لما ييجى عامل يشيله ،كمان دورات الميه للأسف لاتصلح لإستعمال أى مخلوقات خالص ، لا شطفات ولا حنفيات ولا نظافة ولا اى حاجه تدل إن دى دورة ميه لمستشفى هيستخدمها مريض أو مرافق له فى مرضه ،ويوجه حديثة للمسؤلين ،نظرة للغلابة علشان ربنايكرمكم .