محمد مصطفى : ليه (لأ ) للتعديلات الدستورية

بسم الله الرحمن الرحيم

نظرا للعديد من الظروض ترافق معها الأجواء المحيطة بالعمل الإعلامي في مصر و كذلك مع استمرار حجب محتوي المؤسسة عن الوصول للجمهور قررت إدارة مؤسسة البديل تعليق و تجميد موقع البديل و منصاته الإعلامية وإيقاف بث كافة أنواع المحتوي المرئي و المكتوب لحين إشعار آخر ونعتذر لجمهورنا ومتابعينا عن عدم قدرتنا علي الاستمرار في الوضع الحالي علي أمل العودة يوما ما إن شاء الله تعالي البديل ٢٢ إبريل ٢٠١٨

بسم الله الرحمن الرحيم

نظرا للعديد من الظروض ترافق معها الأجواء المحيطة بالعمل الإعلامي في مصر و كذلك مع استمرار حجب محتوي المؤسسة عن الوصول للجمهور قررت إدارة مؤسسة البديل تعليق و تجميد موقع البديل و منصاته الإعلامية وإيقاف بث كافة أنواع المحتوي المرئي و المكتوب لحين إشعار آخر

ونعتذر لجمهورنا ومتابعينا عن عدم قدرتنا علي الاستمرار في الوضع الحالي علي أمل العودة يوما ما إن شاء الله تعالي

البديل ٢٢ إبريل ٢٠١٨

ما تخدش قرارك عشان زهقت، أو نفسك تخلص … الدستور بيتغير مره في العمر و لازم يتغير صح

ماينفعش تخليني أوافق علي كل التعديلات علي بعضها، مع إن فيه منها اللي عاجبني وفي منها اللي رافضه

أزاي أوافق علي قرار مصيري زي ده و ماعنديش وقت كفاية و لا معلومات كفاية عشان أقرر

لو قلت نعم هيجي رئيس بسلطات مطلقه و برلمان مايعبرش عن الثورة يحط الدستور

الانتخابات اللي جابه مستحيل هينجح فيها الناس اللي عملوا الثورة، هيجي يا الاخوان يا الوطني. هل من العدالة إن هما بس اللي يعملوا الدستور!!! ؟

الاستقرار

الاستقرار مش انك تقول (نعم) فنرجع زي ما كنا، الاستقرار انك تقول (لأ ) فنبدأ صح

الاستقرار معناه انك تعمل دستور جديد يخلي العالم يتطمن فيستثمر في مصر بدل ما يسحب استثماراته

الاستقرار مش هايحصل لما هانضطر (لو قلنا نعم) نعمل ٨ انتخابات في سنه واحده

لو قلنا نعم ، لما البرلمان يعمل دستور جديد ، ممكن يبقي فيه مواد و شروط ماتنطبقش علي الرئيس اللي هايكون موجود … نعمل ساعتها إيه؟؟؟؟ نمشيه  ؟ طب نسيبه و واحد يرفع قضيه يقول إن وجوده غير دستوري.. وهايكسبها؟

عمرك لعبت لعبه من غير ما تعرف قوانينها؟!!! ينفع ابقي الرئيس و بعدين يعملولي دستور يقولولي فيه هتحكمنا أزاي!!! طب مش فيه احتمال ميعجبنيش؟؟ … ساعتها هيحصل ايه؟ .. هو ده الاستقرار؟

المنطق و العقل بقولوا  احط قواعد اللعبه و بعدين العب … مش العب و بعدين احط القواعد

يعني نحط قواعد الترشيح “الدستور” و بعدين اترشح … مش اترشح و بعدين احط القواعد

إطمن

الجيش هيحترم اي قرار  هناخده و فكره التخويف بأنه ممكن يستولي علي الحكم مستحيييله بعد ثوره شعبيه

متخليش حد يخوفك و يقولك لو قلت (لأ) الوضع هيبقي مجهول … بالعكس لو قلت (لأ) هنعمل دستور جديد وهنضمن انه يعبر عن مصر كلها

الدستور الجديد مش هياخد اكتر من تلات شهور بشهاده فقهاء دستوريين

اللي خايف الفوضي تزيد، ، هي ممكن تزيد لو محلناش حلول حقيقيه

و اللي خايف الاقتصاد يتضرر … هو اكيد هيتضرر لو الوضع فضل مشوه

بنقول عاوزين دستور جديد محمي من كل القوي الوطنيه المحتشده الآن … مش ده آمان اكتر ليا وليك؟؟

قول لأ للتعديلات الدستوريه و متخاطرش بمستقبل مصر

خلصت كلامي      بس اللي جاي اهم

لو انت علي تويتر هتفتكر ان الناس كلها هتقول لأ

و لو انت علي فيسبوك هتفتكر أن أكتر من خمسين في الميه هيقولوا لأ

بس لو نزلت الشارع هتكتشف الحقيقه ، ان ٧٥٪ من الناس البسيطه ناويه تقول نعم

هيقولوا نعم عشان معلومات ناقصة و مغلوطة  وعشان فاكرين إن (نعم) تعني الاستقرار

و عشان اللي بيقولوا (نعم) مركزين في التأثير علي الشارع مش علي الفيس بوك

مستقبل بلدك علي المحك … لو الاستفتاء طلع نعم هيبقي فيه احتمال ان الثورة تتسرق … ينفع تسيب ده يحصل؟؟

لو مقتنع بأن لازم نقول (لأ ) يبقي لازم تبقي ايجابي

اكيد لو تقدر اعمل شير، بس مش كفاية

عاوزين ناس تصمم صفحه مكتوب فيها الكلام ده بشكل كويس (أو اي كلام تاني مقنع) و ميزيدش عن صفحه واحده

عاوزين نعمل صفحه علي الفيس بوك و نطلب من الناس كلها انها تفهم الكلام و تطبعه و توزعه علي البسطاء و يحاولوا يفهموهم

عاوزين يوم الاستفتاء، في مصر كلها، شباب محترم، هادي، باسم … يبقي معاه الورق ده، و فاهم كل المبررات اللي عشانها بنقول لأ و يبقوا قدام اللجان بيفهموا الناس اللي مش فاهمه … تاني هقول شباب هادي، محترم ، باسم، متسامح و يعرف يتعامل مع الاختلاف

الصفحه دي ممكن يبقي فيها اماكن الاستفتاء في مصر كلها، و تطلب متطوعين لكل مكان في مصر كلها

كنت راكب مع تاكسي فبقوله هتختار ايه فقالي (نعم) طبعاً عشان مينفعش نكمل بالدستور ده!!! ناس كتير هتقول نعم للأسباب الغلط … كل اللي محتاجينه كلمتين منك

خليك ايجابي و شارك في توعيه البسطاء   وتحيا مصر