فاطمة العريض : قوائم بيضاء وقوائم سوداء وقوائم تيريكيوااااااااااااااااز

بسم الله الرحمن الرحيم

نظرا للعديد من الظروض ترافق معها الأجواء المحيطة بالعمل الإعلامي في مصر و كذلك مع استمرار حجب محتوي المؤسسة عن الوصول للجمهور قررت إدارة مؤسسة البديل تعليق و تجميد موقع البديل و منصاته الإعلامية وإيقاف بث كافة أنواع المحتوي المرئي و المكتوب لحين إشعار آخر ونعتذر لجمهورنا ومتابعينا عن عدم قدرتنا علي الاستمرار في الوضع الحالي علي أمل العودة يوما ما إن شاء الله تعالي البديل ٢٢ إبريل ٢٠١٨

بسم الله الرحمن الرحيم

نظرا للعديد من الظروض ترافق معها الأجواء المحيطة بالعمل الإعلامي في مصر و كذلك مع استمرار حجب محتوي المؤسسة عن الوصول للجمهور قررت إدارة مؤسسة البديل تعليق و تجميد موقع البديل و منصاته الإعلامية وإيقاف بث كافة أنواع المحتوي المرئي و المكتوب لحين إشعار آخر

ونعتذر لجمهورنا ومتابعينا عن عدم قدرتنا علي الاستمرار في الوضع الحالي علي أمل العودة يوما ما إن شاء الله تعالي

البديل ٢٢ إبريل ٢٠١٨

في الفترة الماضية صنفت العالم

ايشى اسود وايشى ابيض وايشى بعيد عن السامعين احمر احمر احمر

لعبت كوتشينه وعملتهم فرق للشايب والبنت والواد يقش

في الاول اتعفرتت وقلت يا سلام يعنى ايه فنان يقول الكلام ده

يعنى ايه فنان مع النظام

وتقريبا بعيد عنكم كانت صايبانى البلاهه لدرجه ان من كتر الحماقة قلت انا هصنفهم ابيض واسود وهشن حمله شعواء عليهم بانى هقاطع افلامهم

وفضلت اشنع بقى وارش البنزين عالنار

واقول لا والف لا لكل واحد شتم في الثوره ومنهم اللى له قيمه وزعلت منه ومنهم اللى اساسا بيلعب في الوقت الضايع

وقررت اعاقب كل ممثل ضايقنى بانى ببساطه مش هيشوف من جيبى ولا قرش ولما هيطل غصب عنى عالشاشه هحول

واخدت ده منهج وكأنى بناضل ….قلت ده عقابى لكم

واتناقشت مع الناس  وقالوا لى …..

–        الله هم بشر من حقهم يعبروا عن رايهم

–        اه طبعا

–        انتى ليه بتهاجميهم ؟ من حق اى فنان يقول رايه

–        طبعا بس الفنان حد مش عادى ده حد له معجبين او معجبات وممكن يتأثروا برايه

–        يا سلام؟

–        اه طبعا يعنى هم بيحرضوا الناس ضد الثوره وللا بيشتغلوا مع النظام  وللا ايه بالضبط؟

–        يا سلام انتى سوداويه وكمان متحامله

–        يا جماعه افهموا الفنان ممكن يسكت خالص بس بلاش يقول دول عملاء وخونه ويكدب على روحه …….وللا هو عشان القهر ملاه بقى مش مصدق ان حد ممكن يتغير فبيشترى النظام على اساس انه نظام لا يتغير لا ببرسيل ولا حتى بكلوركس …..وان النظام هو بابا وماما وانور وجدى كمان ….

يعنى قعدت اقلبها في راسى ولقيت انى مش بالعه المبرر بتاع اللى بحاوره ومبررى كمان مش عاجبنى – يبدو ان الحاجه بتاخد جوايا وقت طويل لحد ما تستوى –

واخيرا فهمت

الفنان يجب ان يكون ذو رؤيه والا تحول لمهرج بالقصر واراجوز

والبلد مش ناقصه اراجوزات وبدل ما ادفع 40 جنيه تذكرة سينما عشان اتفرج على فنان جاهل … اوفرهم واروح السيرك ب10 جنيه وهناك الاراجوزات بالهبل او انزل اى مولد واهو فولكلور برضه

والنايبه السودا بقى كانت لما حاولوا يغيروا موقفهم لما الفريق بتاع مصر كسب ههههههههههه

قالوا لك ايه يا استاذ يا محترم فريق احنا اتغرغر بينا

وفريق ما كناش نعرف وكان مضغوط علينا ( مع انه لو حط لسانه في بقه كان ماحدش يضغط عليه ولو اعتزل فلوسنا تعيشه ملك باقى عمره )

ومنهم اللى استعمانا وخلانا طرش عينى عينك وقال لك لا انا ما قلتش وكان قصدى المغرر بيهم في التحرير البلطجيه – يا حرام اصلنا شعب ظنان فما فهمناش البيه والهانم الفنانييييييييييييييين

فعلا فنانين في الكدب والتلون ……اساتذه

ومنهم اللى طلع يدمع ويقول يا جماعه انتوا مش فاهمين احنا كان بيجرى فينا ايه وللا بينضغط علينا ازاى

ومنهم اللى ادعى الجهل اصل ما بيقروش جرايد ……..طاب البعيد مغيب يبقى يتخرس

اسفه لا اقبل موقف الفنانين او المشخصاتيه لان كلمه فنان خساره فيهم

وصدقونى حسابكم معانا عسير مش انتقام لا بالعكس تجاهل تام …….تجاهل يخليهم يعيدوا تفكيرهم في نفسهم كبشر

القوائم البيضا منها كل فنان حط وطنه فوق راسه ونزل مع الناس كمن اول او تانى اوتالت يوم يعيش معاهم وبان موقفه

السودا على كل واحد شتم وقل قيمته وقال عيال مضلله ومش فاهمين وراح زى الشاطر مصطفى محمود يشتم فينا مش يؤيد حبيبه …. وابقوا قابلونى لو حد عبركم تانى باعلان لبان سماره حتى

التركواز بقى دول حبايبنا بتوع مطرح ما ترسى دق لها واراجوز متأرجز بالف لون ومع الرايجه

بجد عيب