البديل صوت المستضعفين

أخر الأخبار

    البديل صوت المستضعفين

    “غريب في بلدي”.. “استاند اب كوميدي” لميسون زايد في القدس

غريب في بلدي .استاند اب كوميدي لميسون زايد في القدس
    الثلاثاء, أغسطس 20, 2013

قدمت فنانة الفكاهة الأمريكية المولد الفلسطينية الأصل ميسون زايد عرضا بعنوان “غريب في بلدي” قبل يومين بالقدس، وهي فننة فكاهية أصيبت صغرها بشلل دماغي، وهي أول فنانة مسلمة في الولايات المتحدة، وأول امرأة تقدم عروض الفكاهة المنفردة في الأراضي الفلسطينية.

تناولت ميسون هويتها بالنقد الذاتي في عرضها بمسرح الحكواتي في القدس، وضج جمهور العرض بالضحك مع كل مقطع.
وقالت ميسون: “أنا بأمريكا ما بعتبرونيش كوميديان عربية ولا كوميديان معاق ولا كوميديان نساء.. أنا بس كوميديان، في مرات بييجي على بالي أحكي عن السياسة، وبيجي على بالي أحكي عن فلسطين.. بكون صاير شي بالأخبار اللي كثير بدي اتخوت (أتندر) عليه، بس بأمريكا مش مفروض إنه كل مرة أحكي عن فلسطين.. مش مفروض إنه كل مرة أحكي عن الإعاقة تبعي، عشان الإعاقة ببين ولازم أحكي عنه عشان نزيح القصة والناس يضحكوا.. بس وأنا هون بفلسطين كثير كثير باحب أحكي عن فلسطين عشان الجمهور بيفهموني”.
ميسون زايد في العقد الثالث من عمرها وتحظى بجماهيرية في الولايات المتحدة التي ولدت ونشأت فيها، وكثيرا ما تحكي لجمهورها بأسلوب فكاهي رأي والدها في عملها وفي عدم ارتباطها بالزواج وأمور أخرى عن حياتها.
وتحرص ميسون على قضاء عطلة الصيف في بلدة دير دبوان – موطن أسرتها الأصلي – بالقرب من رام الله في الضفة الغربية، وتساهم زياراتها المتكررة للأراضي الفلسطينية في تعميق رؤيتها للعلاقات بين إسرائيل والفلسطينيين.
وقالت ميسون: أنا باحس الستاند آب كوميدي هذا شيء مش جديد لفلسطين.. يعني كل ربينا (تربيتنا) قاعدين مع ستاتنا وسيادنا (جداتنا وأجدادنا) وأعمامنا بشربوا قهوة وبنكتوا عن الخليل.. عن بعض الناس.. كثير كانوا ينكتوا بس أنا باحس الستاند آب كوميدي شي جديد، وباحس أنه ثقافة كثير منيح للفلسطينية، عشان الستاند آب كوميدي بتقدر تسويه نفس اليوم.. بتقدر تحكي عن شو عم بصير بهاي الوقت”.
وقال محمد حلايقة المدير التنفيذي لمسرح الحكواتي: “كان بالنسبة لنا كان مناسبة أنها هي أول مرة بتكون في القدس.. أول مرة بتقدم عرض.. يعني بدون شك كان حاز على يعني إعجاب الحضور والجمهور”.
ومن المنتظر أن تقدم ميسون زايد سلسلة عروض في عدة مدن بالضفة الغربية حتى نهاية أغسطس الجاري.